Ceol ón gCré

Ceol

Sraith ceoil thraidisiúnta a dhéanann ceiliúradh ar na nósanna agus na traidisiúin a fhaightear faoin tuath in Éirinn. Beidh an t-amhránaí Nell Ní Chróinín ag caitheamh súil ar chúrsaí ceoil agus cultúir faoin tuath in Éirinn in 2024.

Béarla PG

▶  Féach
An Bóthar agus An Baile

Eipeasóid 3

S2 E3 50m

Is deacair gan trácht ar an imirce nuair a phléitear scéal mhuintir na hÉireann. Fiosraíonn Nell Ní Chrónín scéal na ndaoine a chuaigh thar lear chun saol níos fearr a bheith acu. Tabharfar léargas ar an tionchar a bhíonn ag an imirce ar dhaoine, ó aimsir an Ghorta go dtí an lá atá inniu ann. Thug na hÉireannaigh an ceol leo ar fud an domhain, rud chabhraigh sé leo ceangal a choinneáil leis an mbaile. Léireofar mar a chuaigh an imirce i bhfeidhm ar cheol agus ar fhéiniúlacht mhuintir na hÉireann sa gclár seo.

Síol agus Bláth

Eipeasóid 2

S2 E2 50m

Tugann Nell Ní Chrónín léargas ar fhás aníos in Éirinn sa gclár seo. Léireofar mar chuirtear ceol, amhráin, damhsa, agus scéalta ar aghaidh ó ghlúin go glúin. Tabharfar léargas ar an spraoi, na cúraim agus an taithí a bhíonn ag daoine óga in Éirinn, idir chluichí traidisiúnta agus nósanna, agus a bheith ag ceol sa mbaile nó i measc an phobail. Déanfar ceiliúradh ar an nasc buan a bhíonn idir páistí agus traidisiúin trí chuimhní cinn agus ceol.

Fréamh agus Dúchas

Eipeasóid 1

S2 E1 50m

Caitheann Nell Ní Chróinín súil ar an ról lárnach a bhí ag mná i gcúrsaí cultúrtha in Éirinn. Idir mhná tí agus seanchaithe, ceoltóirí agus amhránaithe, tugtar léargas ar an tionchar a bhí ag mná ar shaol an teaghlaigh agus ar cheol traidisiúnta na tíre. Déanfar ceiliúradh ar na mná a choinnigh leis an traidisiún trí scéalta, cuimhní cinn, ceol agus amhráin agus tabharfar ómós dóibh siúd nach bhfuair an t-aitheantas atá ag dul dóibh.