Eipeasóid 1
S1 E1 50m
Scéal faoi laoch leadóige atá beagnach ligthe i ndearmad ar fad anois. Sa bhliain 1879, thuill Thomas Vere St Leger Goold, Éireannach, clú agus cáil i saol na leadóige. Ghlac sé páirt i bpríomhchomórtas an domhain, Craobh Wimbledon agus d'éirigh leis dul chomh fada leis an gcluiche ceannais, áit ar chaill sé. Bliain is fiche ina dhiaidh sin, i 1908, bhí a cháil sna nuachtáin arís ach údar eile ar fad leis - cúisíodh agus ciontaíodh é féin agus a bhean i ndúnmharú fuilteach i Monte Carlo, áit saoire na gcearrbhach agus na ndaoine saibhre.