Eipeasóid 1

S14 E1 49m

Cuirfidh Hector tús lena aistear in Iostanbúl. Siúlfaidh sé an chathair ar leith seo atá ar an teorainn idir an Eoraip agus an Áise. Feicfidh sé an tsuim atá ag muintir na háite i sacar, gheobhaidh sé amach faoi thrasphlandú gruaige sa gcathair agus beidh sé ina shuí moch chun folcadh Turcach a bheith aige. Tabharfaidh Hector aghaidh ar cheann de na margaí is mó agus is sine ar domhan ansin, an Grand Bazaar, chun casadh le Hakan Evin fear a bhíonn ag díol cairpéad agus atá chomh maith ag díol is gur éirigh leis cairpéid a dhíol le lucht ríochais, le hiar-uachtaráin agus le Ben Affleck.

Eipeasóid 2

S14 E2 49m

Rachaidh Hector ar thuras mórthimpeall na Bulgáire, an tír is sine san Eoraip. Cuirfidh sé tús lena aistear in Plovdiv áit a gcaithfidh sé súil ar amharclann ó aimsir na Sean-Róimhe. Gheobhaidh Hector léargas ar an nasc atá ag an tír leis an gcumannachas ag an Buzludja Monument agus tabharfaidh sé aghaidh ar na Seven Rila Lakes ansin. Cuirfidh sé deireadh lena aistear in ionad aclaíochta an tseaimpín tógála meáchan, Zdravko Stoichkov, agus feicfidh sé na lúthchleasaithe ag traenáil.

Eipeasóid 3

S14 E3 49m

Gheobhaidh Hector blaiseadh de cháis asail agus tabharfaidh sé lámh chúnta do dhream atá ag iarraidh an Danóib, an abhainn is truaillithe san Eoraip, a ghlanadh. Cuirfidh Hector snas ar a chuid scileanna leadóige san Novak Centre, ionad a thóg duine de mhór imreoirí spóirt na Seirbia, an seaimpín leadóige Novak Djokovic. Fillfidh Hector ar an mBéalgrád chun deireadh a chur lena thuras.

Eipeasóid 4

S14 E4 50m

Tabharfaidh Hector aghaidh ar an Rómáin agus cuirfidh sé tús lena thuras i bpríomhchathair na tíre, Búcairist. Gheobhaidh sé spléachadh den chuma a bhí ar an Rómáin le linn ré an chumannachais agus casfaidh sé le cuid de chailleacha na Rómáine. Tabharfaidh sé cuairt ar Phálás na Parlaiminte agus gheobhaidh sé blaiseadh de chúrsaí dornálaíochta agus sacair na tíre sula bhfaighidh sé léargas ar Eaglais Cheartchreidmheach an Oirthir. Déanfaidh Hector a bhealach chuig baile de chuid na Romaigh ansin agus casfaidh sé le Triana, Romach a bhíonn ag obair le copar, sula gcasfaidh sé le Rí na Romaigh.

Eipeasóid 5

S14 E5 48m

Déanfaidh Hector a bhealach go lár na hEorpa agus tabharfaidh sé aghaidh ar an bPolainn. Cuirfidh sé tús lena aistear in Kraków agus ólfaidh sé cúpla deoch sula dtabharfaidh sé aghaidh ar cheathrú na nGiúdach. Rachaidh Hector go Auschwitz ansin chun léargas a fháil ar an léirscrios a bhain leis an Dara Cogadh Domhanda agus leis an uileloscadh sa gcampa géibhinn is mó a bhí ag Naitsithe na Gearmáine. Rachaidh Hector ag sciáil in Zakopane ag deireadh an chláir.

Eipeasóid 6

S14 E6 49m

Déanfaidh Hector a bhealach go Vilnias, príomhchathair na Liotuáine áit a dtabharfaidh sé cuairt ar Gheiteo Giúdach. Cuirfidh sé eolas ar an teicneolaíocht léasair atá ar fáil sa Liotuáin. Buailfidh sé le Skamp, banna ceoil mór le rá san áit. Rachaidh Hector as sin go dtí an dara cathair is mó sa Liotuáin, Kaunas, agus déanfaidh sé turas de shiúl cos sa dorchadas sula dtéann sé go dtí Músaem Ómra chun tuilleadh a fhoghlaim faoi ómra ársa réigiún Mhuir Bhailt.

Eipeasóid 7

S14 E7 49m

Cuirfidh Hector tús lena chuid taistil i Ríge. Breathnóidh sé thart ar an gcathair le Liva Melbarzde agus pléifidh sé Eaglais Liútarach Shoiscéalach na Laitvia leis an Easpag Pavils Bruvers, sula mbeidh eispéireas ar leith aige ag glacadh páirt i ndeasghnáth sána agus tine nach raibh a leithéid aige riamh roimhe seo. Fágfaidh Hector an chathair ina dhiaidh chun é féin a bhá i ngníomhaíochtaí faoin aer, ar nós an bealach a dhéantar crainn a ghearradh in Tukums a fhiosrú, casadh sé le marthanaí chun dianchúrsa a dhéanamh ar scileanna chun teacht slán, agus cuairt a thabhairt ar Amatciems.