Eipeasóid 3

S1 E3 50m

Sa tsraith Báisteach caithfear súil ar chuid den mhistéir a bhaineann le feiniméan coitianta na báistí. I gclár deiridh na sraithe, fiosróidh Seán Mac an tSíthigh an tábhacht a bhaineann leis an acmhainn luachmhar seo don gheilleagar agus pléifear an tionchar atá ag easpa báistí agus ag an iomarca báistí ar an saol mór. Ó Inis Oírr go Arizona gheobhaimid amach faoin tionchar a bhíonn ag ganntan uisce ar shaol daoine agus faoin mbealach a bhfuil pobal ar iargúil na hAlban ag baint úsáid aisti chun an ceantar a athbheochan.

Eipeasóid 2

S1 E2 50m

Sa tsraith Báisteach caithfear súil ar chuid den mhistéir a bhaineann le feiniméan coitianta na báistí. Sa dara clár gheobhaimid amach faoin lorg a fhágann an bháisteach ar chultúir na cruinne: faoin tionchar atá aici ar ealaíontóirí, faoin rath a thagann ar chomhlachtaí mar gheall uirthi agus faoin mbeathú atá inti. Tabharfaidh Seán Mac an tSíthigh cuairt ar cheann de thoibreacha beannaithe na hÉireann, gheobhaimid amach faoin mbealach a shuaimhníonn an bháisteach sinn agus rachaimid chuig bainis in Éirinn le tástáil a chur ar an traidisiún a bhaineann le Leanbh Phrág!

Eipeasóid 1

S1 E1 49m

Sa tsraith seo caithfear súil ar chuid den mhistéir a bhaineann le feiniméan coitianta na báistí. Sa chéad chlár gheobhaimid amach faoin eolaíocht a bhaineann leis na braonta báistí a mbímid ag brath orthu. Tugann Seán Mac an tSíthigh cuairt ar Uaimheanna na hÁirse Marmair i gcontae Fhear Manach, áit a bhfuil feiceáil fós ar lorg na mbraonta báistí a thit na mílte bliain ó shin agus buaileann sé le fear a choinníonn súil ar bháisteach bhliantúil na tíre. In Aontas na nÉimíríochtaí Arabacha léirítear do Sheán an dua a chuireann siad orthu féin báisteach a chruthú.